GENGKIE IN BIKINI

Kumusta naman daw ang paggising mo't lalabas ka ng banyo after shower, inabangan ka ng friend mong bakler at sabihin sayong may raket siya para sayo. Weno yun? Bakla, pose ka lang. 2 piece. Bumalik ako sa loob ng bahay at kinanta ang "I don't know how to love him" ni Mary Magdalene sa Jesus Christ Superstar.

Katok.Katok.

Bakla, nakaligo't nakabihis nako, naka-twalya ka pa rin?

Bakit ba!?  Dream role ko kaya ang Mary Magdalene sa Jesus Christ Superstar. Walang bihis bihis kapag pangarap ang usapan.

Go ka na ha? 2 piece.

Ok ka lang!? Hindi maganda ang katawan ko ngayon sabay tanggal ng twalya to reveal the temple of my soul and the altar of my Frenchy. SIyempre naka bra't panty naman ako na parang pina-audition ang katawan.

May TF naman eh. Mababastos ba ako diyan? Gurl, hindi. May kagat ako ng surot sa likod. Parang 2 maliit na boobs sa laki. Keri lang di naman makikita sa camera yan eh. Esep-esep. Bakla, tinaasan na ang TF tapos sayo na ang bathing suit.

Take home na ang bathing suit? Yipee!!  

Saker talaga ako sa mga freebies. Buti na lang at di pa ako kumakain kaya mukha akong malnourished. Kelangan daw nila ng iba't ibang types of body sa isang show sa GMA. Ako daw yung skinny type. Ano daw ang tamang bathing suit sa mga skinny type na babae. Me? Skinny? Dati yun nung nagtratrabaho pa ako para sa mga lungga ng ahas. Medyo may laman na ako. Pwede na akong ibenta. Hehe..

Pag pumupunta ako sa beach. Madalas talaga naka-bathing suit ako. Mas malaswa mas maganda. Mas kita ang kuyukot mas maganda. Baktong kung baktong ang labanan. Wala lang. Napaka-komportable. Gusto ko na mangolekta ng bikini. Meron na ako in neon green at vibrant orange. Yung hindi masyadong agaw atensyon na kulay. Mga hi-cut at low cut pa yan para wala ka nang iiwan sa imahinasyon.  Feeling ko contribution ko na sa society ang magpakita ng laman at wala masyadong paki-alam. Paano kanyo? Feeling ko kapag binugbog ng suso't puke, hita't tuhod ang mga lalaking Pilipino mas less ang magiging inclination nila to rape. Kasi may nakikita na eh.

Kapag tinitigan ka naman sa suso mo, titigan mo muna ang crotch niya then paakyat sa mata niya tapos mag-ala Celia Rodriguez na tawa ka. Tignan ko na lang kundi siya mamakla't maimbyerna. Ewan ko ba. Mga fez ng mga lalaking maghanap at mag-survey ng mga maririkit na dalaginding na kagaya ko eh hindi naman matignan ang mga pwet at tite nila kung proportion ba iyon sa gusto nilang physical assets ng babae. Leche.

Pwede ba. Tumigil na rin ang mga Bella Flores na kung makatingin sa yo na para kang karinderyang bukas sa lahat ng pwedeng kumain porke't naka-hambala ang mga hita mo sa beach.  Kumuha na lang kayo ng kalat sa dagat or paka-inin ang mga pusang gala sa bubong or magtayo ng NGO na sumusoporta sa street children kung wala kayong magawa. 

Kulay pink na string bikini ang binigay sa akin ng libre. Sabi kasi nung stylist yun daw ang pinaka-bagay sa katawan ko. Ayaw ko ng pink eh. Pero pwede na basta may bagong bikini.