ANG PAGBABALIK

HA!

Aarte na ulit ako. Punyeta. Putangina. Paksyet talaga.

Pag tapak ko sa entablado sa araw ng aming tech-dress run hahalikan ko ang kahoy na aking tinatapakan. Isamsampal ko sa aking pisngi ang itim na telon. Nanamnamin ko ang mainit na ilaw ng parlights na para bagang natural heat na nanggagaling sa araw. Hahawakan ko ang mga light bulbs ng dressing room. Bubuksan muli ang mga na-laos kong make-up. Kakalikutin ko ang pwet ko sa kati ng kostyum. Magdadasal ako sa Diyos at makikipag-lampungan na naman ako sa una kong boyfriend--- teatro.

Hindi ko maintindihan kung bakit ganito katindi ang nararamdaman ko para sa isang disiplina. Napaka-sidhi. On-off relationship. Parang bagyo't tsunami.  San ba ito nanggagaling? Maiiyak ako. Naiiyak na ako. Umiinit ang likod ko sa tindi ng nararamdaman ko dahil isang araw na lang ako ay muling mawawala sa sarili. Ibang klase. Para akong libog na libog na pusa sa bubungan.

Kaya sa Linggo March 26, 2006 sa PETA THEATRE CENTER sa likod lang ng QC sports club along E.rodriguez malapit sa Christ the King. Sa halagang 150 lang at sa ganap na 6 ng gabi matutunghayan ninyo ako. Si Geng at ang kanyang boyfriend.